“Bitcoin”in dəyəri tarixi maksimum həddini yeniləyib – kriptovalyutanın qiyməti 118 000 ABŞ dollarını keçib.
newsbaku.az bu barədə “Binance” platformasına istinadla xəbər verir.
Məlumata əsasən Bakı vaxtı ilə saat 09:44-də kriptovalyuta 118 090 dollar həddinə çatıb ki, bu da +6.43% artım deməkdir. Bu, “Bitcoin”in indiyədək qeydə alınmış ən yüksək qiymətidir.
Saat 09:58-ə olan məlumata görə, artım tempi bir qədər zəifləyib və qiymət 117 812 dollar (+6.05%) səviyyəsində olub.
Qeyd edək ki, 9 iyul tarixində “Bitcoin” 111 999 dollar səviyyəsinə qalxaraq əvvəlki tarixi maksimumu yeniləyib. Ondan öncəki rekord isə 22 may 2025-ci il tarixində 111 980 dollar olub.
newsbaku.az
