Qlobal bərpa olunan enerji potensialı artmaqda davam edir – HESABAT

image-iqtbackend

Qlobal bərpa olunan enerjinin quraşdırılmış gücü son 10 ildə 144 faiz artaraq 4,4 milyon meqavata çatıb.

newsbaku.az İqtisadiyyat.az-a istinadən xəbər verir ki, bu barədə Beynəlxalq Bərpa Olunan Enerji Agentliyinin (IRENA) hesabatında deyilir.

Hesabata əsasən, 2015-ci ildə təxminən 1,8 milyon meqavatt olan bərpa olunan enerji gücü 2024-cü ildə 4,4 milyon meqavattı ötüb. Rekord investisiyalar və təmiz enerjiyə artan tələbat bu artıma öz töhfəsini verib.

2015-2024-cü illər arasında Avropada bərpa olunan enerjinin gücü 464 014 meqavattdan 850 245 meqavatta yüksəlib. Almaniya quraşdırılmış gücünü 97 228 meqavattdan 178 655 meqavatta çatdıraraq qitədə birinci yeri tutub.

Türkiyə isə ümumi bərpa olunan enerji gücünü 2015-ci ildəki 31.516 meqavattdan təqribən 69.000 meqavatta çatdıraraq, Avropada beşinci yerdə qərarlaşıb.

Hesabata görə, su elektrik stansiyaları (SES) elektrik enerjisi istehsalı üçün dünyada aparıcı bərpa olunan enerji mənbəyi olaraq qalır.

Qlobal quraşdırılmış su elektrik stansiyasının gücü 2015-ci ildəki təxminən 1,2 milyon meqavattdan 1,4 milyon meqavatta çatıb.

newsbaku.az


  • whatsapp
  • messenger
  • telegram
  • vkontakte
  • odnoklassniki