Gəncədə yol-nəqliyyat hadisəsi nəticəsində xəsarət alan qadın xəstəxanada ölüb.
newsbaku.az Oxu.Az-a istinadən xəbər verir ki, hadisə avqustun 13-də Gəncə şəhəri, Xətai prospektində baş verib.
Belə ki, 1998-ci il təvəllüdlü Hüseyn Bəhrəm oğlu Məmmədov idarə etdiyi “Mercedes-Benz” markalı avtomobillə hərəkətdə olarkən, piyada, 1962-ci il təvəllüdlü Mehriban Əli qızı Quliyevanı vurub. Ağır kəllə-beyin travması ilə xəstəxanaya yerləşdirilən qadın avqustun 17-də Abbas Səhhət adına şəhər xəstəxanasında ölüb.
Faktla bağlı cinayət işi başlanıb.
newsbaku.az
