Bu gün UEFA Konfrans Liqasının III təsnifat mərhələsinin püşkatma mərasimi keçirilib.
newsbaku.az xəbər verir ki, İsveçrənin Nyon şəhərində keçirilən püşkatma mərasimində Azərbaycan təmsilçiləri “Araz-Naxçıvan”, “Sabah” və “Zirə”nin potensial rəqibləri də müəyyənləşib.
“Araz-Naxçıvan” (Azərbaycan) – “Aris” (Yunanıstan) cütünün qalibi “Omoniya” (Kipr) – “Torpedo” (Kutaisi, Gürcüstan) matçının qalibi ilə görüşəcək.
“Sabah” – “Petrokub” (Moldova) cütünün qalibi isə “Levski” (Sofiya, Bolqarıstan) – “Braqa” (Portuqaliya) cütünün qalibi ilə görüşəcək.
“Zirə” isə “Hayduk”u (Xorvatiya) məğlub edəcəyi təqdirdə “Atletik Klub Eskaldes” (Andorra) – “Dinamo Siti” (Albaniya) cütünün qalibi ilə üz-üzə gələcək.
Qeyd edək ki, UEFA Konfrans Liqasında III təsnifat mərhələsinin ilk oyunları avqustun 19-20-də, cavab görüşləri 26-27-də baş tutacaq.
newsbaku.az
