ABŞ lideri Donald Tramp Avropanı Rusiyanın ticarət tərəfdaşlarına qarşı kütləvi rüsumlar tətbiq etməyə çağıraraq, ölkəsinin də eyni addımı atacağını vəd edib.
newsbaku.az xəbər verir ki, bu barədə “The Telegraph” qəzeti məlumat yayıb.
Xüsusilə Tramp Rusiyaya təzyiqi artırmaq üçün Avropa İttifaqını (Aİ) Hindistan və Çinə 100%-lik ikinci dərəcəli tariflər tətbiq etməyə çağırıb. Qeyd olunur ki, o, bu təklifi Avropa liderləri ilə Moskvanı sülhə məcbur etmək üçün tədbirlərin müzakirəsi zamanı verib.
“Son həftələrdə Putin ABŞ-nin sülh razılaşması əldə etmək səylərinə baxmayaraq, Ukrayna şəhərlərini bombalamağa davam etdiyi üçün Tramp Moskvadan getdikcə daha çox məyus olub”, – deyə məlumatda bildirilir.
Bundan əvvəl ABŞ-nin keçmiş dövlət katibi Mayk Pompeo bildirmişdi ki, Avropa ölkələri Rusiyanın enerji resurslarını almağı dayandırmalı və Moskvaya qarşı real sanksiyalar tətbiq etməlidir. O, Rusiya Prezidenti Vladimir Putinin sülh yolu ilə nizamlanmada maraqlı olmadığını iddia edir. Siyasətçi hesab edir ki, bu ona baha başa gələnə qədər Moskva mövqeyinə sadiq qalacaq.
newsbaku.az
