Yeni mövsümə hazırlığı davam etdirən “Neftçi” Polşa toplanışı çərçivəsində bu gün keçirəcəyi ilk yoxlama görüşündə İsrailin “Hapoel Təl-Əviv” klubu ilə üzləşəcək.
newsbaku.az klubun rəsmi səhifəsinə istinadən xəbər verir ki, “ağ-qaralar” iyul ayının 22-də isə Polşanın “Termalitsa Nyeçetşa” klubu ilə qarşılaşacaq.
Qeyd edək ki, təlim-məşq toplanışına iyunun 25-də başlayan “Neftçi” hazırlığın ilk hissəsini iyulun 14-dək Bakıda keçirib.
Toplanışın ikinci mərhələsi isə iyulun 15-dən avqustun 2-dək Polşanın Keltse şəhərində təşkil olunacaq. “Neftçi”nin digər yoxlama görüşləri iyulun 27-də “Asteras Tripolis” (Yunanıstan), avqustun 1-də isə AEL (Kipr) klubuna qarşı olacaq.
newsbaku.az
