Sabirabadda Kür çayında batan şəxsin kimliyi məlum olub.
newsbaku.az –ın əldə etdiyi məlumatına görə, o, Ulacalı kənd sakini, 2006-cı il təvəllüdlü Məmiyev Eldəniz Cabir oğludur.
Məlum olub ki, 19 yaşlı gənc Kür çayında çimərkən boğulub. Onun meyiti sudan çıxarılaraq, aidiyyəti üzrə təhvil verilib.
Faktla bağlı araşdırma aparılır.
Fövqəladə Hallar Nazirliyinin (FHN) “112” qaynar telefon xəttinə Kür çayının Sabirabad rayonu, Ulacalı kəndindən keçən hissəsində bir nəfərin batması barədə məlumat daxil olub.
Məlumatla əlaqədar nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
newsbaku.az
