UEFA Konfrans Liqasının II təsnifat mərhələsinin cavab görüşləri çərçivəsində “Sabah”ın qonağı olacaq “Petrokub” (Moldova) klubu azarkeşləri ilə bağlı paytaxt təmsilçisinə müraciət etməyib.
newsbaku.az Report-a istinadən xəbər verir ki, Bakı təmsilçisinin mətbuat xidmətinin rəhbəri Elnur Həmidov deyib.
İyulun 30-da axşam saatlarında Bakıya gələcək “Petrokub” tərəfindən indiyədək azarkeşləri ilə bağlı heç bir müraciət olmayıb.
Qeyd edək ki, “Sabah” – “Petrokub” görüşü iyulun 31-də, saat 20:00-da Masazırdakı “Bank Respublika Arena”da start götürəcək. Komandalar arasında ilk görüşdə Azərbaycan klubu qələbə qazanıb – 2:0.
newsbaku.az
