Yamal cəmi iki gündə Messini geridə qoydu — 10 milyon avro gəlir

“Barselona “rəhbərliyinin son günlərdə təşkil etdiyi mərasimlə 10 nömrəli formanı Lamin Yamala təqdim etməsi Kataloniya klubunun forma satışlarında partlayış yaradıb.

newsbaku.az xəbər verir ki, cəmi iki gün ərzində 70 mindən çox Yamal forması satılıb. Bu da təxminən 10 milyon avro dövriyyə deməkdir.

Yamal formasına olan maraq o qədər böyükdür ki, 10 nömrənin əvvəlki sahibi Lionel Messinin ilk iki gündəki satış göstəricisini də geridə qoyub. “Barselona”nın rəsmi forma tədarükçüsü “Nike” artıq 170 ölkəyə paylanmaya başlayıb. Xüsusilə Asiya bazarında böyük azarkeş kütləsinə sahib olan kataloniyalılar bu həftə çıxacaqları turnirdə də yeni 10 nömrəli formalardan geniş şəkildə satış etməyi planlaşdırır.

Yaponiyada və Cənubi Koreyada təxminən 7-8 milyonluq azarkeş bazasına malik olan “Barselona”nın Asiya turunu “Yamal effekti” ilə böyük iqtisadi gəlirlə başa vuracağı gözlənilir.