Hazırda Bakı və Abşeron yarımadasının atmosfer havasında meteoroloji şəraitlə əlaqədar lokal xarakterli toz müşahidə olunur.
newsbaku.az Oxu.Az-a istinadən xəbər verir ki, bu məlumatı açıqlamasında Ətraf Mühitin Çirklənməsinin Monitorinq Qrupunun baş mühəndisi Rəna Allahverdiyeva verib.
O qeyd edib ki, avtomatik stansiyalardan əldə edilən məlumatlara əsasən, hazırda havada tozun miqdarı normadan 1.1 dəfə artıqdır.
“Küləkli hava şəraiti ilə əlaqədar müşahidə olunan toz lokal xarakter daşıyır”, – deyə açıqlamada bildirilir.
Xatırladaq ki, Milli Hidrometeorologiya Xidmətinin yaydığı məlumata görə, Bakıda və Abşeron yarımadasında müşahidə olunan güclü şimal-qərb küləyi avqustun 22-si günün ikinci yarısında zəifləyəcək.
newsbaku.az
