19 yaşlı şotlandiyalı hokkeyçi Qeri Kelli İbizada hoteldə istirahət edərkən bədbəxt hadisə nəticəsində ölüb.
newsbaku.az-ın xəbərinə görə, bu barədə “Daily Record” nəşri məlumat verib.
Kelli hotelin balkonundan yıxılaraq dünyasını dəyişib. Hadisə yerinə təcili yardım briqadası çağırılsa da, həkimlər idmançıya kömək edə bilməyiblər. Hüquq-mühafizə orqanlarının əməkdaşları vurğulayıblar ki, müşahidə kameraları hokkeyçinin ölümünün bədbəxt hadisə nəticəsində olduğunu qeydə alıb.
Mənbə vurğulayıb ki, iki həftə əvvəl Kellinin həmyerlisi Evan Tomson da oxşar şəraitdə həlak olub. Təhlükəsizliyin kifayət qədər olmamasına görə tənqid olunan hotel rəhbərliyi bütün əyləncə tədbirlərini ləğv edib.
Kelli Şotlandiya Milli Liqasında “Dandi Rokets”, “Aberdin Links” və “Dandi Stars” hokkey komandalarında oynayıb. Ötən mövsüm o, 13 oyuna çıxıb, 17 xal (10 qol + 7 məhsuldar ötürmə) yığıb.
newsbaku.az
