“Qalatasaray”la “Napoli” arasında Osimhen barədə danışıqlarda təəccüblü hadisələr yaşanıb.
newsbaku.az “NtvSpor”a istinadən xəbər verir ki, “sarı-qırmızılar”ın “Napoli”nin yeni şərtlərini rədd etdiyi və şərtlər dəyişmədikcə danışıqları davam etdirməyəcəkləri bildirilib.
“Napoli”nin “Qalatasaray”dan 40 milyon avro ilkin ödəniş və 2026-cı ilə qədər 35 milyon avro tələbi danışıqların başa çatmasına səbəb olub. İtaliya klubu bu şərtlərdən əlavə olaraq sonrakı satışdan pay da tələb edib.
“Qalatasaray” isə “Napoli”nin tələblərini rədd edib. “Sarı-qırmızılar” 2027-ci ilə qədər 35 milyon avro ödəmək və sonrakı satışdan pay verməkdən imtina ediblər.
“Napoli”nin bu şərtlərdən əl çəkmədiyi təqdirdə “Qalatasaray”ın yeni təkliflə çıxış etməyəcəyi və danışıqlar masasına oturmayacağı bildirilib.
newsbaku.az
