İsveçin Baş naziri Ulf Kristersson ölkənin 2022-ci ildə Şimali Atlantika Alyansına (NATO) qəbulu ilə bağlı sənədlərin olduğu qovluğu Stokholm-Arlanda Beynəlxalq Hava Limanında unudub.
newsbaku.az Oxu.Az-a istinadən xəbər verir ki, bu barədə “Dagens Nyheter” məlumat yayıb.
“Ulf Kristerssonun Türkiyəyə səfərindən sonra baş nazirin məxfi sənədləri olan qovluğunun bir nüsxəsi Arlanda hava limanında qalıb”, – deyə məqalədə qeyd olunub.
Nəşrin məlumatına görə, təmizlikçi xanım qovluğu hava limanının tualetində tapıb. Orada İsveçin NATO-ya qoşulması ilə bağlı Türkiyə ilə aparılan danışıqlara dair məlumatlar olub. İsveç hakimiyyəti materialların məxfi olmadığını iddia edir.
Xatırladaq ki, İsveç 2024-cü il martın 7-də NATO-ya üzv olub.
newsbaku.az
