Çin İsrailin Qəzza sektoruna nəzarəti ələ keçirmək planları ilə bağlı “ciddi narahatlıq” ifadə edir və onu “təhlükəli hərəkətlərini dərhal dayandırmağa” çağırır.
newsbaku.az The Times of Israel-ə istinadən məlumatına görə, bu barədə ÇXR XİN-də bildiriblər.
“Qəzza Fələstin xalqına məxsusdur və onun ərazisinin ayrılmaz hissəsidir. Qəzza sektorunda humanitar böhranı yüngülləşdirməyin və girovların azad edilməsinə nail olmağın yeganə yolu dərhal atəşkəsdir”, – XİN-də bildiriblər.
ÇXR həmçinin “beynəlxalq ictimaiyyətlə əməkdaşlıq edərək sektorda döyüş əməliyyatlarına mümkün qədər tez son qoymağa” hazır olduğunu ifadə edib.
newsbaku.az
