Cari ildə Azərbaycanda həyata keçirilən orqan transplantasiyası əməliyyatlarından 88-i uğurlu, 5 uğursuz olub.
Bu barədə newsbaku.az Report.az-a istinadən xəbər verir.
Qeyd edilib ki, bu il 93 orqan transplantasiyası əməliyyatı icra olunub. Onlardan 47-si böyrək, 30-u qaraciyər, 16-sı isə sümük iliyi transplantasiyasıdır.
Böyrək transplantasiyası əməliyyatlarından 46-sı uğurlu, 1-i uğursuz olub. Qaraciyər transplantasiyalarından isə 26 əməliyyat uğurla nəticələnib, 4-ü ilə bağlı nəticə isə uğursuz olub.
Sümük iliyi transplantasiyası üzrə həyata keçirilən bütün əməliyyatlar isə uğurla başa çatıb.
newsbaku.az
