Arda Turan “Şaxtyor Donetsk”də işinə rekord nəticə ilə başlayıb.
newsbaku.az xəbər verir ki, Ukrayna klubu türkiyəli mütəxəssisin rəhbərliyi ilə ilk rəsmi matçında Avropa Liqasında Finlandiya “İlves”inə 6:0 hesabı ilə qalib gəlib.
Bu, “Şaxtyor”un avrokubokların təsnifat mərhələlərində ən böyük qələbəsidir.
Daha əvvəl ən böyük hesab 2000-ci ildə Çempionlar Liqasının 2-ci seçmə mərhələsində Estoniya “Levadiya”sına qarşı oyunda (5:1) qeydə alınmışdı. Beləliklə, Arda Turan 25 ildir davam edən rekordu yeniləyib.
Bundan əlavə, bu nəticə “Şaxtyor”un ümumiyyətlə, avrokuboklarda ikinci ən böyük qələbəsidir. Rekord Donetsk klubunun 2014-cü ildə Çempionlar Liqasının qrup mərhələsində Belarus BATE-sinə 7:0 hesabı ilə qalib gəldiyi oyunda qeydə alınıb.
newsbaku.az
